Mit versjlaachenheet nemt d’r EKMC absjied van d’r Sjirmheer Eef Hubbers.
D’r Eef sjtong bekank als jenisser bij zienge EKMC, als Sjirmheer woar hem nuus tse vöal, mit de dekkele woa d’r Eef in vol ornaat vuur zienge verain doa. De letste joare jong ‘t nit zoeë jod mit d’r Sjirmheer, de jezonkheed loos hem ing anger maneer va leëve mitmaache, en die welt woar vuur d’r Eef alling, en dat is sjwoar vuur vrung en familieje.
D’r dank noa de zurjende is da och jroeës en hoffentliech ken d’r Eef noen zieng verdeende rouw vinge. D’r EKMC trouwert um d’r verloes va dizze markante perzeunliechkeet en mitjelied en als verainslokaal wunsche vier de mitjelieder van d’r verain mit och in d’r bezonger zie Till, kinger en kingskinger alle kraft mit de verwirkoeng va dizze sjlaag.
D’r Crombachs Jo en d’r Kuijpers Jo sjtund mit fleut en trom an de himmelspoats jereed um d’r Eef hu eropper tse hoale en mit d’r EKMC marsj erriner tse sjpelle. D’r himmel kriesjt evvel d’r Eef laacht mit hod sjtek en rink….en de befaamde dekkele.
‘T jeet uch jod Sjirmheer